रामेछाप । लिखु तामाकोशी गाउँपालिकाका विभिन्न विद्यालयमा अध्ययन गर्ने बालबालिकाहरुलाई नेपाली काँग्रेसका नेताहरुले आफ्नो लगानीमा न्यायो कपडा वितरण गरेका छन् ।
       लिखु तामाकोशी गाउँँपालिकाका विभिन्न ६ वटा विद्यालयमा अध्ययन गर्ने झण्डै २ सय भन्दा बढी बालबालिकाहरुलाई जाडोमा लगाउनका लागि न्यायो कपडा वितरण गरीएको हो ।
       नेपाली काँग्रेस काठमाण्डौं – लिखु तामाकोशी सम्पर्क समितिका अध्यक्ष सुवास दाहाल र वडा नम्बर ५ नेपाली काँग्रेसका वडा सभापति टेकवहादुर तामाङले बालबालिकाहरुका लागि न्यायो कपडा उपलव्ध गराएका हुुन् ।
       नेपाली काँग्रेस लिखु तामाकोशी गाउँपालिकाका अध्यक्ष सुन्दर खड्काका अनुसार लिखु तामाकोशी गाउँपालिकाको रुपादेवि आधारभुत विद्यालय, लालिगुराँस छिरि¨े आधारभुत विद्यालय, सेतिदेवि आधारभुत विद्यालय, रणजित आधारभुत विद्यालय र कैलेश्वर आधारभुत विद्यालयमा अध्ययन गर्ने बालबािलकाहरुले न्यायो कपडा पाएका हुन् ।
       सम्बन्धित विद्यालयमा आयोजित कार्यक्रममा नेपाली काँग्रेसका जिल्ला सल्लाहकार कृष्णवहादुर महत, लिखु तामाकोशी गाउँपालिकाका अध्यक्ष केशव महत र काँग्रेस गाउँपालिका अध्यक्ष सुन्दर खड्का लगाएतका नेताहरुको सहभागितामा उक्त न्यायो कपडा वितरण गरीएको थियो । वितरीत कपडामा स्वीटर, टोपी र ट्याकसुट रहेका छन् । दाताहरुले सोहि अवसरमा शैक्षिक सामाग्री समेत वितरण गरेको जनाइएको छ ।