कमल साह, जनकपुरधाम
जनकपुरधाम, फागुन ११ गते । सर्वोच्च अदालतले प्रतिनिधिसभा विघटनलाई बदर गर्दै पुनस्र्थापना को फैसला सुनेर जनकपुरधाममा मैनवती जलाएर हर्ष प्रकट गरेको छ ।
सर्वोच्च अदालतको संवैधानिक इजलासमा करिब दुई महिना लामो सुनुवाइपछि आजै आफ्नो फैसला सुनाएको हो ।
प्रतिनिधी सभा पुनस्थापनाको नेपाली कांग्रेसका भातृ संगठन नेपाल तरुण दल र जनता समाजवादी पार्टी यहाँका जनक चौकमा मैनवती वालेर हर्षका साथ स्वागत गरेका हुन ।
सो अवसरमा उनिहरुले नेपाल िजनता हाईहाई,केपी ओली बाईबाई नारा समेत लगाएका छन ।
सर्वोच्च अदालतमा दुवै पक्षको बहस र एमिकस क्युरीको राय फागुन ७ गते सकिएपछि प्रधानन्यायाधीश चोलेन्द्र शमसेर जबराले फैसला कुनै पनि दिन आउन सक्ने बताएका थिए । दुवै पक्षको बहस नोट फागुन १० गते पेस भएको थियो ।
आज बिहानैदेखि संवैधानिक इजलासमा रहेका न्यायाधीशहरूबीच छलफल चलेको थियो ।
पुस ५ गते मन्त्रिपरिषद्को सिफारिसमा राष्ट्रपतिबाट प्रतिनिधिसभा विघटन भएको थियो । त्यसका विरुद्ध नेकपाका प्रमुख सचेतक देव गुरुङसहितका सांसदहरूबाहेक अन्य ११ वटा रिट परेका थिए ।
सबै रिटहरुलाई संवैधानिक परिषदरु्मा लैजाने आदेश राणाले दिएका थिए । संवैधानिक इजलासबाट यो मुद्दा किनारा लगाउने कि वृहत पूर्णइजलासमा लैजाने भन्ने विवादसमेत चलेको थियो ।
संवैधानिक इजलासमा प्रधानन्यायाधीश राणासहित न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी थिए । शुरूमा गठित इजलासमा रहेका हरिकृष्ण कार्की विगतमा केपी ओली प्रधानमन्त्री हुँदा महान्यायाधिवक्ता रहेको भन्दै विपक्षी वकिलले प्रश्न उठाएपछि उनले इजलासमा नरहने भनेका थिए । त्यसपछि उनको ठाउँमा सपनालाई ल्याइएको हो ।
साथै १३ दिनभित्र संसदको अधिवेशन आव्हान गर्न परमादेश समेत गरेको छ । योसँगै प्रतिनिधिसभाको बैठक फागुन २४ गतेभित्र बोलाउनुपर्ने भएको छ ।