कमल साह
जनकपुरधाम, साउन १९ गते ।श्री राम लस्सी एण्ड स्वीट्सको तेश्रो शाखा श्री राम स्वीटस एण्ड डेरी उद्योग शुक्रबारदेखि संचालनमा आएको छ ।
मधेश प्रदेशको राजधानी जनकपुरधामका ग्राहकलाई स्वच्छ तथा गुणस्तरीय मिठाईका परिकारहरु पस्कने उद्देश्यले शाखा विस्तार गर्दै मिल्स एरिया स्थित रेल्वे लाईनको उत्तरमा एक पसलको उदघाटन गरिएको छ ।
यस अघि जनकपुरधामको मिल्सएरियाको शुभ चौकमा र पिराडी चौक स्थित श्रीराम लस्सी एण्ड स्वीट्स पसल संचालनमा रहेको थियो। तेस्रो शाखाको शुक्रबार उदघाटन गरिएको हो । डेरी उद्योग समेत रहेको सो मिठाई पसलको उदघाटन जनकपुरधाम उपमहानगरपालिकाका नगरप्रमुख मनोज साहले गर्नुभयो।
श्रीराम लस्सी एण्ड स्वीट्स पसमा दूधका परिकारहरुको साथै मिठाईका ५६ परिकार सेवाग्राही बीचमा पस्किने संचालक छोटेलाल गुप्ताले जानकारी गराउनु भयो । उहाँले जनकपुरधामका मिठाई पसलहरूमा मूल्य एकरुपता नरहेको समयमा गुणस्तरीयताको ध्यानमा राख्दै ग्राहकलाई असर नपर्ने गरी उचित मूल्यमा मिठाईका विभिन्न परिकारहरु उपलब्ध गराउने प्रति संधै सचेत रहने बताउनुभयो ।