बारा । केहि दिनदेखि हुस्सु र कुहिरो लागेका कारण तराईका जिल्लाको जनजीवन प्रभावित भएको छ । निरन्तर हुस्सु लागेपछि सर्वसाधारण चिसोबाट प्रभावित हुन थालेका छन् ।
       मधेश प्रदेशका प्राय सवै जिल्लामा शितलहर चलेको छ । शीतलहरको कारण चिसो स्याँठ चल्दा घर बाहिर निस्किने सर्वसाधारणको सङ्ख्यमा उल्लेख्य कमी आएको छ । चिसो बढेसँगै ज्येष्ठ नागरिक, बालबालिकाहरू बढी प्रभावित भएका छन ्। केहि लाई स्वास्थ्य सम्बन्धि समस्या समेत देखिन थालेको छ ।
       तराई मधेशमा हुस्सु र कुहिरो लागेसँगै निरन्तर तापक्रम घटिरहेको छ । वीरगञ्ज महानगरले वीरगञ्ज आसपासमा जाडो बढेसँगै नारायणी अस्पताल, नयाँबसपार्क चोक, घण्टाघर चोक माईस्थान चोक, मुरली चोक लगायतका स्थानमा दाउरा उपलब्ध गराएर आगो ताप्ने व्यवस्था गरेको छ । त्यसैगरी तराईका अन्य जिल्लाका विपत व्यवस्थापन समिति र स्थानीय सरकारले चोक चोकमा दाउरा दिएर आगो ताप्न स्थानीय बासिन्दालाई आग्रह गरीरहेका छन् । केहि स्थानमा न्यायो कपडा समेत वितरण थालिएको छ ।
       शितलहरका कारण नेपालको तराई मधेश क्षेत्रमा रहेक बर्ष केहिको मृत्यू हुने गरेको छ । शित लहरले कृषि बालिमा असर पुग्नुका साथै पशु चौपाय समेत प्रभावित हुने गरेका छन् । केहि दिन देखिको शितलहरले हवाई यातायात समेत प्रभावित भएको जनाइएको छ ।