कमल साह
जनकपुरधाम, चैत २० गते । महावीर युवा कमिटी ले चैती दशैं व्यवस्थित रुपमा बनाउन कमिटीका का.का.सदस्य दिपक गुप्तालाई संयोजकमा चयन गरेको छ ।
महाविर युवा कमिटिको अध्यक्ष अयज गुप्ताको अध्यक्षता चैत १९ गते कार्यसमितको बैठकले उक्त निर्णय गरेको छ ।
यसवर्ष चैते दशैं चैत २७ गते देखि आरम्भ भई बैशाख ९ गते सम्म हुनेछ । श्री राम मन्दिरको अर्को आंगनमा रहेको माता राजदेवी को मन्दिरमा महावीर युवा कमिटी ले शरदीय दशैं झै व्यवस्थित पार्न चैती दशैं कार्यक्रम संयोजकमा दिपक गुप्तालाई सर्वसहमतिबाट चयन गरिएको छ ।
महावीर युवा कमिटी प्रत्येक बर्ष राजदेवी मन्दिरमा चैती दशै धुमधामका साथ मनाउदै आएको छ ।
असुर शक्तिमाथि दैवीशक्तिको विजय तथा असत्यमाथि सत्यको विजयका रूपमा लिइने दशैं हिन्दुधर्मावलम्बीहरूले वर्षमा दुइपटक मनाउने गर्दछन् । असोजमा मनाईंने दशैंलाई बडादशै पनि भनिन्छ त्यस्तै चैत शुक्ल पक्षमा मनाईंने दशैंलाई चैती दशैं भनेगरिन्छ ।