कामल साह
जनकपुरधाम, फागुन १५ गते । रामसाग साह रामस्वरूप साह बहुमुखी क्याम्पसको समाजशास्त्र विभागमा दुई दिन अघि भएको घटना प्रति विभिन्न प्रध्यापक संघ संगठनहरूले विरोध जनाएको छ ।
राराव क्या.विभागमा गत आइतवार केहि विद्याथीहरुको समुहद्वारा गरिएको घटना प्रति प्रध्यापक संगठनहरुले विज्ञप्ती जारी घटनाको भर्तसना गरेको छ ।
मंगलवार क्याम्पसको कर्मचारी ईकाई समिति, प्रजातन्त्रवादी प्रध्यापक संघ, त्रि.वी. प्रजातन्त्रवादी कर्मचारी संघ, त्रि.वि. प्रध्यापक संघ सहितका कर्मचारी र प्रध्यापक संगठनहरुले खेद प्रकट सहितको सन्देश जारी गर्दै विभागको नियम तथा अनुशासन नमान्ने, एशिस्मेन्ट गर्न नचाहने तर प्राईक्टिकल अंक आफुअनुकुल खोज्ने विद्यार्थीहरु नियोजित रुपमा विभागको कार्यालयका सम्पती नाश गर्ने काम गरेको आरोप लगाइएको छ ।
विभागमा हो हल्ला गर्नुका साथै विभाग प्रमुख डा. शुसिल कुमार यादव माथी कपोकल्पित आरोपहरु लगाएको समेत आरोप लगाउदैै संगठनहरुले यस्ता गतिविधीहरु बन्द गर्न गराउन सचेत गराइएको विज्ञप्तीमा उल्लेख छ ।