सन्जु कर्ण, सर्लाही,
सर्लाही, माघ ९ गते । हरिपुर नगरपालिका ७ मा रहेको एक बिधालयको नव निर्मित भवन नगर प्रमुख (मेयर) गोपाल पजियारले सोमवार उद्घाटन गरेको छ । वडा नम्बर ७ चिताइनस्थित लक्ष्मीनाथ जनता आधारभुत बिधालयमा राष्ट्रपति शैषिक सुधार कार्यक्रम अन्तर्गत भौतिक बिस्तार तर्फ निर्माण भएको दुइ कोठे पक्की भवन एक कार्यक्रमका वीच मेयर पजियारले उद्घाटन गरेका हुन् । मेयर पजियारले प्रधानाध्यापक धामी बिधालयको भौतिक पुर्वाधार र शैक्षिक गुणस्तरमा दिनरात मेहनत गरिरहेकोले यस बिधालयको सबै खाले काममा व्यक्तिगत र नगरक सहयोग रहिरहने प्रतित्रद्धता समेत ब्यक्त गरे ।
गत चैत्र महिनामा सम्झौता भइ तोकेकै समयमा काम सम्पन्न गरी भवन उद्घाटन गरिएको हो । उक्त भवन २२ लाख पचास हजार रुपियाँको लागतमा निर्माण भएको बिधालयका प्रधानाध्यापक चेतनारायण धामीले जानकारी दिए । यस भन्दा पहिले भवन नहुँदा केही असहजता भएपनि अहिले बिधार्थीको पठनपाठनमा सहजता भएको उनले बताए । बिधालय व्यवस्थापन समितीका अध्यक्ष राजेश सहनीको अध्यक्षता, हरिपुर नगरपालिकाका प्रमुख गोपाल पजियारको प्रमुख आतिथ्यता रहेको कार्यक्रममा वडानम्बर ७ का वडाध्यक्ष मनोज कुमार चौधरी, हरिपुर नगरपालिकाका शिक्षा प्रमुख नागेश्वर राय, सिंचाइ विभागका पुर्व डिभिजन इन्जिनियर आनन्द चौधरी, नेपाली काँग्रेसका हरिपुर नगर सभापती ध्रुव नारायण चौधरी वडानम्वर ७ का वडा सचिव रुपेश यादवलगायतको सहभगिता रहेको प्रधानाध्यापक धामीले बताए ।