कमल साह
जनकपुरधाम, कार्तिक ३० गते । मिथिलांचलको सर्वश्रेष्ठ पर्व ‘छठ’ नहानखानसंग आजबाट जनकपुरधाम सहितको ठाउँमा आरम्भ भएको छ ।
ब्रतिहरु आज एका बिहानै नंग कटाई स्नानगरेर पुजा पाठ पश्चात् बिना लसुन प्याजबाट निर्मित तरकारी र अरुवा चावल तथा गहुँबाट बनाएको परिकारहरु खाएर छठ पर्व आरम्भ गरेका छन ।
छठ पर्व मनाउनको लागि जनकपुरधामको धार्मिक,ऐतिहासिक लगायतका सरोवरहरु बेहुली झैं सजाउने कार्य जारी रहेका छन । जनकपुरधाममा छठ पर्व धुमधामका साथ मनाइने चलन रहेको छ ।
जनकपुरधामको गंगासागर, अंगराजसर, धनुषसागर, रत्नसागर, अग्निकुण्ड,लक्ष्मण सरोबर,रुकमणी सर, दुधमति नदी लगायतमा बनाएको घाटहरु सजावट गरिदैछन ।
छठमा नयाँ छैटी,नांग्लो,गाग्रो,फलफुल लगायतका ७० प्रकारका सामाग्रीहरूको प्रयोग गरिने भएकाले ब्रति परिवारका सदस्यहरुले एक महिना अघिदेखि नै पूजा सामाग्रीको बन्दोबस्त गरिरहेका छन् ।
कार्तिक शुक्लपक्ष चतुर्थी तिथिबाट छठ पर्वको मुख्य विधि शुरु हुने यस पर्वमा बाँसको सामाग्री तथा माटोको भाडा वर्तनहरूको बिक्री एक महिना अगाडी देखि नै शुरु भइसकेको छ ।