धिरेश दत्त
धनुषा, भदौ २४ गते । जनकपुरधाम–नेपाली कांग्रेस मधेश प्रदेश समितिले पार्टीको संस्थापक जननिर्वाचित देशको पहिलो प्रधानमन्त्री जननायक बिशेश्वर प्रसाद कोइरालाको जन्म जयन्तीको अवसरमा धनुषाको जनकपुरधाममा आयोजना गरेको रक्तदान कार्यक्रममा दर्जनौंलेले रक्तदान गरेका छन् ।
जनकपुरधामको मधेश प्रदेश पार्टी कार्यालयमा भएको रक्तदान कार्यक्रममा काँग्रेसका नेता कार्यक्रता, चिकित्सक, नर्श, तरुण दल, नेविसंघ सहितकाले रक्तदान गरेको पार्टीका उपसभापती तथा मधेशका स्वास्थ्य मन्त्री विरेन्द्र कुमार सिंहले बताए ।


पार्टी सभापती कृष्ण प्रसाद यादवकोको विशेष उपस्थितीमा भएको समुदघाटन कार्यक्रममा सभापती यादवले विपीको बिचार र सिद्वान्तकै अभावमा कांग्रेसीले दुःख भोग्न परिरहेको बताउदै सुधार आवश्यक रहेको बताए । उनले कांग्रेस नेतृत्वको अभावमा मधेशले उचित्त विकास र न्याय पाउन नसकिरहेको बताए ।
नेताहरुले विपी कोइरालाले देखाएको मार्गमा कांग्रेसीहरु हिड्न नसकेकै कारण अहिले अर्काको हातमा सत्ता रहेको भन्दै विपीको सिद्वान्तमा अगाडि बढनुपर्ने नेताहरुले बताए । सो अवसरमा पार्टीको मधेश प्रदेशको विभिन्न विभागहरुको पदाधिकारी र सदस्यहरुको समेत बाक्लो उपस्थिती रहेको थियो ।