सन्जु कर्ण, सर्लाही,
सर्लाही, भदौ १० गते । अर्काको नाममा परीक्षा दिने एक जना नक्कली परीक्षार्थीलाई प्रहरीले पक्राउ गरेको छ । बरथवा नगरपालिका स्थित श्री शुभ जनता बहुमुखी क्याम्पसमाबाट प्रहरीले अर्काको नाममा परीक्षा दिने एक जना नक्कली परीक्षार्थीलाई पक्राउ गरेको हो ।
हरिवनमा रहेको चतुर्भुजेश्वर बहुमुखी क्याम्पसमा (अनेरास्ववियु क्रान्तिकारी) बाट स्ववियु सभापति निर्वाचित भएका प्रेम प्रसाद दाहालले पैसा दिई उनलाई आफ्नो मानविकी सङ्कायअन्तर्गत दोस्रो वर्षको परीक्षा दिन पठाएका थिए ।
इलाका प्रहरी कार्यालय बरहथवाको प्रहरी नायब उपरीक्षकको कमान्डले परीक्षामा नक्कली परीक्षार्थी बनी परीक्षा दिँदै गरेको विशेष सूचनाको आधारमा पक्राउ गरिएको प्रहरीले जनाएको छ ।
परीक्षा दिने व्यक्तिको नाम भने खुलाइएको छैन घटनाका सम्बन्धमा प्रहरीले आवश्यक अनुसन्धान गरिरहेको छ ।