कमल साह
जनकपुरधाम,असार २४ गते । रौतहटको गढीमाई नगरपालिका–४ सुन्दरपुर स्थित गोविन्दधाममा श्री गणिनाथ महाराज श्री गोविन्द भगवानको मन्दिर शिलान्यास सम्पन्न भयो ।
कानु समाज नेपाल जिल्ला कार्यसमिति रौतहटको आयोजनामा निर्माण हुन लागेको सो मन्दिरको शिलान्यास कानु समाज नेपालका अध्यक्ष किशोरी प्रसाद कानु ले एक समारोह बीच गर्नुभयो ।
निर्माण हुने उक्त मन्दिरको गुम्बजसमेत ७ तल्लेको हुने जनाएको छ । मन्दिर निर्माणमा झण्डै ५१ लाख खर्च हुने अनुमान वरिष्ठ उपाध्यक्ष रामसागर साह बताउनुभयो ।


गत सोमबारका दिन शिलान्यास कार्यक्रम राखिएको थियो । तर, विहान ८ बजेदेखि आरम्भ भएको वर्षा नरोकिने काँटछाँट देखेर शिलान्यास कार्यक्रम पाल भित्रमै आयोजन गरियो । उक्तदिन दिउँसो २ बजेसम्म पानी परेको थियो ।
मन्दिर निर्माणका लागि सोही गाउँका वासिन्दा एवं कानु समाज नेपालका बरिष्ठ उपाध्यक्ष रामसागर साहले केहिदिन अगाडी एक कठ्ठा जमिन उपलब्ध गराउनु भएको छ ।