सन्जु कर्ण, सर्लाही,
सर्लाही, माघ २५ गते । बुधवार देखि सर्लाहीको बागमतीमा सुरु भएको सातौ संस्करणको राजर्षी जनककपकोे उद्घाटन खेलमा जावलाखेल यूथ क्लवले सशस्त्र प्रहरी बल काठमाण्डौलाई १–० ले पराजित गरेको छ ।
बुधवार दिउँसो भएको खेलमा जावलाखेलका लागि खेलको ६३ औँ मिनेटमा बिनोद केसीले सुरुवाती गोल गरेका हो ।
खेलको सुरुवातीमा सशस्त्र प्रहरीले जावलाखेलाई दवावमा राखेपनि दोस्रो हाफदेखि दवाव टिकाई राख्न सकेन । खेलको म्यान अफ दि म्याच जावलाखेलका गोलकिपर अनिष देउला घोषित भए । उनले १० हजार रुपैया प्राप्त गरेका छन् ।
भोली बिहीवार यूनाइटेडकिंङ्गडम दार्जेलिङ र सुदुरपश्चिम ११ धनगढी बीच हुने आयोजकले जनाएको छ । जिल्लाको बागमती ११ सन्तोष श्रेष्ठ स्मृति खेलमैदानमा भएको प्रतियोगिता बागमती खेलकुद समिति र बागमति यूवा क्लब कर्मैयाको संयूक्त आयोजनामा भैरहेको छ । प्रतियोगिताको बिजेताले १० लाख र उपबिजेताले ५ लाख प्राप्त गर्ने क्लबका अध्यक्ष किस्मत मैलालीले जानकारी दिए ।
आजको खेलको उद्घाटन नेपाल सरकारका उपप्रधान एवम् भौतिकपूर्वाधार तथा यातायात मन्त्री नारायणकाजी श्रेष्ठले गरेका छन् । उनले सामाजीक एकता र राष्ट्रिय प्रतिष्ठा बढाउन खेलकुदको महत्वपूर्ण भुमिका रहेको बताए ।