कमल साह, जनकपुरधाम
जनकपुरधाम, माघ १३ गते । पिछडावर्ग ओबिसी महासभाको राष्ट्रिय महाधिवेशन आज सम्पन्न भएको छ ।
प्रदेश २ को अस्थायी राजधानी जनकपुरधामको जनकपुरधाम उघोग बाणिज्य संघमा शनिबारबाट आरम्भ भएको ओबिसीको राष्ट्रिय महाधिवेशन सोमबार पत्रकार सम्मेलन गरि सम्पनन भयो ।
महाधिवेशनले राष्ट्रिय अध्यक्षमा रामकुमार महतोसहित ४५ सदस्य केन्द्रिय पदाधिकारी चयन गरेको छ । चयन भएका पदाधिकारीमध्ये अध्यक्षसहित ४१ जना निर्विरोध निर्वाचित भएका थिए भने ४ जनालाई केन्द्रिय कार्यसमितिको पहिलो बैठकबाट मनोनित गरेको छ ।
महाधिवेशनले पहिचान, अधिकार, सम्मान र नागरिकतालगायतका एजेण्डा तय गरेको जानकारी दिँदै राष्ट्रिय अध्यक्ष रामकुमार महतोले पिछडावर्गले उठाउँदै आएको मांगहरुलाई महाधिवेशनबाट थप उर्जा पुगेको पत्रकार सम्मेलनमा बताएका छन् ।
महाधिवेशनले हिजोको कामलाई समीक्षा गर्दै पिछडावर्ग अन्तर्गत पर्ने ३५ वटा जातिको भाषा, संस्कृति, संरक्षण, सम्बर्धन, प्रबर्द्धन तथा आरक्षणसहित सबै किसिमको विकासको एजेन्डा तय गरेको छ ।
महाधिवेशनमा पूर्वमेचीदेखि मधेशको २१ जिल्लाका गरि २ सय ५५ जना महाधिवेशन प्रतिनिधिको सहभागिता थियो भने पर्येवक्षक आमाणत्रित गरि लगभग ५ सयको संख्या सहभागिता रहेको अध्यक्ष महतोले बताएका छन।