कमल साह
जनकपुरधाम, कार्तिक १६ । सत्ता गठबन्धनको तर्फबाट धनुषा ३(ख)को प्रदेशसभाका उम्मेदवार परमेश्वर साहले घरदैलो कार्यक्रमलाई तीव्रता दिएका छन् । उनी जनकपुरधाम उपमहानगरपालिका वडा नम्बर ८ मा मंगलबार घरदैलो गरेका हुन् ।
बलवाटोलमा प्रतिनिधिसभाका उम्मेदवार अनिलकुमार झासंगै घरदैलोमा पुगेका प्रदेशसभाका उम्मेदवार साहले सत्ता गठबन्धनको साझा उम्मेदवारहरुको पक्षमा मत हाल्न मतदाताहरुलाई आग्रह गरेका छन् । संघियता संस्थागत, कृषि,शिक्षा, स्वास्थ्य र युवा रोजगारीलाई मुख्य चुनावी एजेण्डा बनाएर उम्मेदवा। निर्वतमान प्रदेशसभा सदस्य साहले मतदाता आफूलाई विश्वास गर्ने दावी गरे ।
सत्ता गठबन्धनको पक्षका उम्मेदवारहरुप्रति जनताको सहानुभूति बढ्दै गईरहेको दावी गर्दै उनले आफुहरुको जीत सुनिश्चित रहेको बताए । प्रदेशसभा सदस्यका उम्मेदवार साहले आफूलाई जनताले फेरी अवसर दिए विकासको बाढी ल्याउने प्रतिवद्धता व्यक्त गरे ।