कमल साह
जनकपुरधाम,साउन २९ गते । मधेश मिडिया काउन्सिलले नेपाल टेलिविजनका जनकपुर सम्वाददाता एवं वरिष्ठ पत्रकार श्रीनारायण साह लगायतका व्यक्तित्वहरुलाई सम्मान गरेको छ ।
मधेश मिडिया काउन्सिलमा साउन २५ गते आयोजना गरिएको सम्मान कार्यक्रममा जिल्ला समन्वय समिति धनुषा प्रमुख राजनन्दन मण्डल,उपप्रमुख संगितादेवी ठाकुर र पत्रकार श्रीनारायण साह लाई दोसाला ओडाएर सम्मान गरिएको छ ।
मधेश मिडिया काउन्सिलका अध्यक्ष शिवहरी भट्टराईले दोसाला ओढाएर सम्मान गर्नुभयो ।
पत्रकार श्रीनारायण साह २०५४ साल फाल्गुन ७ गतेदेखि निरन्तररुमा नेपाल टेलिभिजनका महोत्तरी,सप्तरी एवम् धनुषा जिल्लाको प्रतिनिधि भई कार्यरत रहनु भएको छ । मधेश मिडिया काउन्सिलका अध्यक्ष भट्टराईले विदेहभूमि मासिक पत्रिकाका प्रधान सम्पादक प्रकाशक बरिष्ठ पत्रकार श्रीनारायण साहलाई विशेष सम्मान गर्नुभयो ।
सो कार्यक्रममा मधेश मिडिया काउन्सिलका कार्यालय प्रमुख मुनेश्वर यादव, काउन्सिलका सदस्य द्वय कैलाश दास र गायत्री मिश्र लगायतको उपस्थिति रहेको थियो।