सन्जु कर्ण, सर्लाही,
सर्लाही, श्रावण २४ गते । धनुषा जिल्लाको मिथिला नगरपालिका पुष्पलपुर मा आज (शनिवार) बहुजन एकता पार्टी नेपालको प्रशिक्षण कार्यक्रम संपन्न भएको छ ।
सन्जय सदाको अध्यक्षता एवं पार्टीका वरिष्ठ नेता तथा राष्टिूय संगठन प्रभारी राजाराम पासवानको प्रमुख आतिथ्यमा संपन्न कार्यक्रममा बहुजन समाजका व्यक्तिहरुको सहभागीता रहेको थियो । सह महासचिव दुर्गा बि क, महिला नेत्री प्रमिला सदा , केशर मुखिया ,अमान सिंह गदाइली, राम बाबू गदाइली लगायतका पार्टी नेताहरुले प्रशिक्षण दिएका थिए ।
पार्टीको निति , सिद्धांत ,रणनीति बारे ,बहुजन बिचारधारा अधारित समता ,स्वतन्त्रता ,भाइचारा एवं बन्धुत्वको माध्यमले समाज जागृत गराइ बहुजन बन्चित समाजलाई शासक बनाउन हरेक टोल ,गाउँ ,बस्ती बस्तीमा बिचार प्रचार एवं संगठन निर्माण गर्न कार्यकर्ताहरुलाई आह्वान गरिएको छ । जब सम्म बन्चित समाजको हक,अधिकार सुनिश्चित हुँदैन ,तव सम्म बहुजन एकता पार्टी नेपाल संपुर्ण लडाइको लागी तैयार रहेको भन्दै नेता पासवानले गरिब माथी हुने हत्या हिंसा एवं बलात्कारको प्रमुख कारण नश्लवादी चिन्तन एवं जातिवादी हावी राजनीतिक सत्ता रहेको भन्दै त्यसलाई सखाप पारेर बहुजन समाज हुकुमरान बन्नु पर्ने धारणा व्यक्त गरेका थियो ।