कमल साह
जनकपुरधाम, जेष्ठ २७ गते । जिल्ला समन्वय समिति धनुषामा नेपाली काँग्रेसको पुरै प्यानल निर्विरोध निर्वाचित भएको छ ।
समन्वय समितिको प्रमुखमा राजनन्द मण्डल राज निर्विरोध निर्वाचित भएका हुन । जेष्ठ २५ गते जिल्ला समन्वय समितिका प्रमुख, उपप्रमुख र सदस्य पदका लागि भएको मनोनयन पत्र दाखिलामा नेपाली काँग्रेसको उम्मेदवारबाट मात्र परेको थियो ।
धनुषाका मुख्य निर्वाचन अधिकृत ब्रजेश प्याकुरेलका अनुसार जिसस को उपप्रमुख पदमा सङ्गीतादेवी ठाकुर निर्वाचित भएकी छिन् ।
यस्तै सदस्यहरूमा ईश्वरीप्रसाद शर्मा, डम्बरबहादुर थापामगर, फगु यादव, महिला सदस्यमा गीता देवी यादव, विका देवी मिजार, सोनिता देवी सदा र दलित तथा अल्पसङ्ख्यक सदस्यमा महेन्द्र महतो निर्वाचित भएका छन ।