कमल साह
जनकपुरधाम,जेष्ठ २५ । धनुषा जिल्लाका पूर्विय क्षेत्रमा पर्ने कमला नगरपालिकाले एम्बुलेन्स र बर्थिंग सेन्टरको प्राथमिकतामा राख्दै नागरिकता सिफारीस निःशुल्क दिने पहिलो निर्णय गरेको छ ।
नवनिर्वाचित नगर प्रमुख विशेश्वर यादवले जेष्ठ १२ पदभार ग्रहणगर्दै नगरपालिकामा एम्बुलेन्स खरिद र बर्थिंग सेन्टर अबिलम्ब संचालनमा ल्याउने निर्णय पदस्थापन संगै पहिलो निर्णय गर्नुभयो ।
नगरप्रमुख विशेश्वर यादवले नागरिकता प्रमाण पत्रको लागि सिफारिश, जन्मदर्ता र मृत्यु दर्ता प्रमाण निःशुल्क दिने पदस्थापन संगै पहिलो निर्णय गर्नुभयो ।
नगरप्रमुख यादवले नगरवासीहरुको ईच्छा आकांक्षा र चाहना पुर्ति गर्ने लक्ष्यलाई अगाडी ल्याउँदै हामी एम्बुलेन्सको प्राथमिक्तामा राखिएको बताउनु भयो ।