कमल साह
जनकपुरधाम,जेष्ठ ११ गते । जनकपुरधाम उपमहानगरपालिकाका नवनिर्वाचित नगरप्रमुख मनोज कुमार साहले पद तथा गोपनीयताको शपथ ग्रहण लगतै आबाट पदभार ग्रहण गर्नुभएको छ ।
उहाँ एकदिन पछि विहिवारको दिन उपमेयर,वडा अध्यक्ष तथा सदस्यहरुलाई सपथ गराउने कार्यक्रम रहेको छ ।
नवनिर्वाचि मेयर साह ले पदभार ग्रहणगर्दै यसअघि सरसफाइलाई वडामा नदिएर उपमहानगरपालिकामा राखेकोमा अव उपरान्त वडाहरूलाई नै दिने गरी अधिकार हस्तान्तरण गर्ने निर्णय साहले गर्नुभएको छ । उहाँले सरसफाइलाई प्रभावकारी बनाउन को लागि उपमहानगरका २५ वडालाई अधिकार दिने बताउनु भयो ।
नगरपालिकाका शाखा–शाखाको कामकाजलाई जनतामैत्री तथा प्रभावकारी बनाउन कर्मचारीहरूलाई खटाएको शाखामा नै खट्ने गरी व्यवस्था मिलाउने निर्णय पनि नगर प्रमुख साहले गर्नुभएको छ ।
नगरपालिकाको कामकाजलाई प्रभावकारी एवं पारदर्शी तथा जनतामैत्री बनाउन सूचनाको हकको पूर्ण कार्यान्वयन गर्नका लागि सूचना शाखालाई मजबुत बनाएर हेल्प डेस्क राख्ने निर्णय पनि उहाँले गर्नुभयो । कुनै पनि सूचना बढीमा १५ दिनमा उपलब्ध गराउने निर्णय जनकपुरधाम उपमहानगरपालिकाका प्रमुख साहले गर्नुभएको छ ।