कमल साह
जनकपुरधाम, चैत्र १७ गते । गैरआवासीय नेपाली संघ (एनआरएनए)को १० महाधिवेशनबाट युवा संयोजकमा अब्दुल बासिद सर्बसमतिबाट निर्वाचित भएका छन ।
खाडी देशको दोहामा बेलाको गु्रप संचालन गर्दै आउनु भएको अब्दुल बासिद युवा संयोजकमा निर्वाचित भएपछि सम्पूर्ण साथीहरुमा हार्दिक धन्यवाद व्यक्त गर्नुभएको छ ।
गैरआवासीय नेपाली संघ (एनआरएनए)को १० महाधिवेशन मार्च २६ र २७ अर्थात चैत्र १२ र १३ गते सम्पन्न भएको छ ।
उहाँले आगामी दिनमा संसारभरिका गैर आवासीय नेपाली साथीहरुको साथ, सहयोग,सहकार्य र सुझावका आधारमा अगाडी बढ्ने प्रण समेत गर्नु भएको छ ।
साथै गैर आवासीय संघमा निर्वाचित हुनुभएको कार्यसमितिलाई समेत हार्दिक बधाई ज्ञापन उहाँले गर्नुभएको छ ।