कमल साह
जनकपुरधाम, फागुन १७ गते । महाशिवरात्री पर्वको अवसरमा देश विदेशमा झैं यहाँका शिवालयहरुमा श्रद्धालु भक्तजनको घुईंचो लागेका छन ।
महाशिवरात्री पर्वको अवसरमा जनकपुरधामको विभिन्न शिवालयहरुमा हर्षाेउल्लासका साथ जलार्पन तथा पुष्प,वेलपत्र लगायतका सामाग्री अर्पण गरिमनाईएको छ ।
यहाँका स्वर्गद्वारी( भूतनाथ मन्दिर),शिवचौक स्थित शिव मन्दिर, राम मन्दिरमा रहेको शिवालय, दशरथ तलाउ स्थित महादेव मन्दिर, कपिलेश्वर नाथ,कुपेश्वर नाथ, जलेश्वर नाथ, कल्याणेश्वर नाथ लगायतको शिवालयहरुमा हर्षाेउल्लासका साथ पुजापाठ गर्ने श्रद्धालुभक्तजनहरुको ओईरो विहानै देखि नै देखिन्थ्यो । उनिहरु लाम बद्ध भई पूजा आर्चा गरिका छन ।
हिन्दु धर्मावलम्बीहरुको प्रमुख पर्वमध्ये महाशिवरात्रि पनि एक हो । कालरात्रि, मोहरात्रि, सुखरात्रि र शिवरात्रि नामको चार प्रमुख रात्रिमध्ये एक महत्वपूर्ण रात्रि शिवरात्रि हो ।
यो पर्व फागुन कृष्ण चतुर्दशीको दिन मनाइने गरिन्छ । भनिन्छ सो दिन भगवान शिव र माता पार्वती को वैवाहिक दिन भएको ले शिव भक्तहरु का लागि विशिष्ट दिनको रुपमा लिइने गर्छन् ।