कमल साह, जनकपुरधाम
जनकपुरधाम, कार्तिक ४ गते । धनुषा जिल्ला क्षिरेश्वरनाथ नगर पालिका सखुवा महेन्द्रनगर घर भई हाल अमेरिकाको मेसिच्युसेटे ( ःभककष्अजगकभतभ ) राज्यको रिभर फल्स शहरमा ( च्ष्खभच ँबििक ऋष्तथ ) बस्दै आउनु भएका सफल व्यावसायी लाल किशोर महासेठको गएको मंगलवार राती करीब ९ बजे हत्या भएको दुःख समाचार प्राप्त भएको छ ।
एशोसिएशन अफ नेपाली तराईयन इन अमेरिका अन्तर्राष्ट्रिय उपाध्यक्ष विजय कुमार चौधरी बाट प्राप्त समाचार अनुसार ५४ बर्षीय स्व. महासेठ को हत्या भएको जनाउनु भएको छ ।
उहाँले स्व. महासेठ जी प्रति हार्दिक श्रद्धाण्जली अर्पण गर्दै शोकाकुल परिवार जनमा गहिरो संवेदना व्यक्तगर्दै यस घटनाको निन्दा गर्नुभएको छ ।
हत्यारालाई छिटो भन्दा छिटो कानूनी दायरामा लिई यथाशीघ्र कार्यवाही अगाडी बढाउन अमेरिकी सरकारलाई ध्यानाकर्षण नेपाली बासिन्दाहरुले गराएका छन ।
( ब्ल्त्ब्)एशोसिएशन अफ नेपाली तराईयन इन अमेरिका अन्तर्राष्ट्रिय उपाध्यक्ष विजय कुमार चौधरी ले अमेरिकाका फेडरल सरकारलाई ध्यानाकर्षण गराउंदै पटक पटक यस किसिमको घटना नदोहोरिन र एशियन प्रवासी नेपालीहरू समेतको जिउ धनको सुरक्षाको लागि मांग गर्नुभएको छ ।
उहाँले अमेरिका स्थित रहेका विभिन्न संघ संस्था, संचारकर्मी र नेपाली राजदूतावास लगायत सबै एकजुट भई यस घटनालाई जोरदार रूपमा आवाज उठाउन अनुरोध समेत गर्नुभएको छ ।