मिथिला जागरण समाचारदाता
जनकपुरधाम, पुस २२ गते । नेकपा ओलि समुहका विरुद्ध बिरोधका कार्यक्रम देशव्यापि रूपमा भइरहेको छ ।
नेकपा प्रचण्ड ,नेपाल समुहको केन्द्रिय निर्देशन अनुसार प्रचण्ड, नेपाल् निकट नेता कार्यकर्ता केन्द्र देखि स्थानीय तह सम्म आन्दोलनरत छ्न ।
प्रतिनिधि सभा विघटन पछि ओलि समुहको विरुद्ध चरणबद्ध रुपमा आन्दोलनका कार्यक्रम घोषणा गरेको छ । केन्द्रिय सदस्य तथा प्रदेश कमिटी सदस्यको नेतृत्वमा विभिन्न जिल्लाको पालिकाहरुमा आन्दोलन केन्द्रित संघर्ष समिति निर्माणमा तिब्रता लिएको छ ।
यसै बीच धनुषाको हँसपुर नगरपालिकामा नेकपा धनुषाका सचिव तथा प्रदेश कमिटी सदस्य दिपक यादव को प्रमुख आतिथ्यमा ९ वटै वडाको २५१ सदस्य संघर्ष समिति घोषणा गरिएको छ ।
दिपेन्द्र यादवको अध्यक्षतामा बसेको उक्त बैठकले तत्कालीन नेकपा एमालेको तर्फबाट मेयरको प्रतियासी सुशील साह लाई संघर्ष समितिको संयोजक जिम्मेवारी दिइएको छ भने सह–संयोजकमा तत्कालीन माओवादी बाट मेयरका प्रतियासी रहेको सुनिल यादव लाई जिम्मा दिइएको छ । गठित समितिले वडा र गाउँका कार्यकर्ता लाई प्रशिक्षण दिई आन्दोलनका कार्यक्रम ससक्त बनाउने बताए ।