कमल साह
जेठ २१ गते जनकपुरधाम । प्रदेश २ का मुख्यमन्त्री लालबाबु राउतले ढुंगा, गिट्टीलगायतका निकासी गर्ने निर्णय संघीय सरकारले नसच्याए प्रदेश सरकार आफैं आवश्यक निर्णय लिने चेतावनी दिएका छन् ।
अर्थ मंत्री द्वारा बजेट भाषण भएको ५ औं दिन मा प्रदेश २ का मुख्यमंत्री राउत ले विरोध जनाएको छ ।
मुख्यमंत्री राउत ले, नेपाल सरकारको यस्तो अदूरदर्शी निर्णयका कारण प्रदेश २ को सम्पूर्ण भू–भाग मरुभूमिकरण भइ शतप्रतिशत जनताको बिल्लीबाठ हुने वताएका हुन् ।
‘वन विनाश, वातावरणीय सन्तुलन, जैविक विविधिताको संरक्षण, पानी मुहान संरक्षणका साथै प्रदेशलाई मरुभूमिकरण हुनबाट जोगाउनप्रति प्रदेश सरकार सजग छ,’ मुख्यमन्त्री राउतले वक्तव्य जारी गरेर भनेका छन्,‘यस्तो कार्य तत्काल नरोकिए तराई मधेशको चुरे संरक्षण र प्राकृतिक सम्पदाको रक्षार्थ प्रदेश सरकारले आवश्यक निर्णय लिने छ । ’
कमजोर भू–वनौटका कारण ढुंगा, गिट्टी उत्खनन गरिए नदीको तीब्र बहावले बगाएर ल्याउने बालुवा थुप्रिएर प्रदेश मरुभूमि बन्ने निश्चित रहेको उनले बताएका छन् ।
साथै चुरे दोहनका कारण प्राकृतिक सम्पदा नष्ट हुने जोखिम रहेकोले राउतले तत्काल यो निर्णय सच्याउन संघीय सरकार लाई आग्रह गरेका छन् ।
सप्तरीदेखि पर्सासम्म फैलिएको चुरे पहाड प्रदेश २ को रक्षा कवच रहेको बताउँदै उनले व्यापार घाटा न्यूनीकरण गर्ने बहानामा चुरे दोहन कदापि स्वीकार्य नहुने जिकिर गरेका छन् ।