कमल साह, जनकपुरधाम
जनकपुरधाम, जेष्ठ ११ गते । नागरिकता सम्बन्धी अध्यादेशको विरोध गरेको भन्दै यहा विपक्षी गठबन्धनका नेताहरूको पुत्ला दहन गरिएको छ ।
राष्ट्रिय युवा संघ नेपाल धनुषाले जनकपुरधामको शिव चोक स्थित जसपा अध्यक्ष उपेन्द्र यादव, सोही पार्टीका संघीय परिषद् अध्यक्ष डा. बाबुराम भट्टराई, नेपाली कांग्रेस सभापति शेरबहादुर देउवा, एमालेबाट निष्कासित नेता माधव कुमार नेपाल र नेकपा माओावादी केन्द्रका अध्यक्ष पुष्प कमल दहाल प्रचण्डको पुत्ला जलाएको हो । पुत्ला जलाउने क्रममा प्रहरीले सामान्य बल प्रयोग गरेको छ ।
संघका केन्द्रीय अनुशासन आयोगका सचिव दिनेश सिंहले उपेन्द्र, बाबुराम, देउवा, प्रचण्ड कसैले पनि मधेसको मुद्दा सम्बोधन होस् भन्ने नचाहेकाले आफूहरूले विरोध गरेको जनाएका छन ।