सन्जु कर्ण, सर्लाही,
सर्लाही, जेष्ठ २ गते । पत्रकारहरुको छाता संगठन नेपाल पत्रकार महासंघ सर्लाही शाखाले जिल्लाका सक्रिय पत्रकार र संचारमाध्यमहरुलाई सहयोग गर्नका लागि स्वास्थ्य सुरक्षाका सामग्री जुटाउन सुरु गरेको छ ।
महासंघले विभिन्न मनकारी व्यक्ति तथा सामाजिक संघसंस्थाहरुसँग सहयोग मागेर पत्रकारहरुका लागि कोरोना भाइरसको संक्रमणबाट सुरक्षित भई काम गर्न स्वास्थ्य सुरक्षाका सामग्री जुटाउन सुरु गरेको हो ।
सोही क्रममा आज भोर संस्थाले मास्क र सेनिटाईजर सहयोग गरेको छ । ४० पोका मास्क र ४० वटा सेनिटाईजर पत्रकार महासंघ सर्लाही शाखालाई उपलब्ध गराएको हो । त्यसैगरी नेपाल खेलकुद महासघंले पनि आजै मास्क सेनिटाईजर, र ग्लास सहयोग गरेको छ । स्वास्थ्य सुरक्षा सामाग्रि बितरण कार्यक्रममा महासंघका बरिष्ठ उपाध्यक्ष परशुराम बस्नेत, उप महा सचिव रम कृष्ण खड्का, उप महा सचिव सन्त माया परियार, ससचिवालय सदस्य रमेश चौलागाँई ,नेकपा एमालेका नेता गोकुल बस्नेत लगाएतको उपस्थिती रहेको थियो ।
यसरी संकलित स्वास्थ्य सुरक्षाका सामग्री केही दिनभित्रै पत्रकार र संचार माध्यमहरुलाई वितरण गर्न सुरु गरिने नेपाल पत्रकार महासंघ सर्लाहीका अध्यक्ष टंक क्षेत्रिले बताउनु भयो ।
