कमल साह
जनकपुरधाम,चैत्र ३० गते । अगामी ७ मई (वैशाख २४ देखि ३१ गते सम्म ) देखि १४ मईसम्म प्राचिन मिथिलाको राजधानी जनकपुरधाममा श्री राम कथा ले धमाल मचाउने छन ।
श्री राम कथाकार धुरन्धर विद्वान मुरारी बापु द्वारा नौ दिनसम्म यहा राम कथा प्रवच्चन हुने तिथि मिति निश्चित भएको छ ।
मुरारी बापु को श्रीमुखरविन्दबाट हुने रामकथाका लागि तीन स्थानको स्थलगत निरिक्षण भएको जानकारी जनकपुरधाम उद्योग बाणिज्य संघ का पूर्व अध्यक्ष निर्मल कुमार चौधरी ले जानकरी गराउनु भयो । उहाँले रामकथा स्थलको लागि जानकी मन्दिर प्रांगन,बारहविघा मैदान र तिरहुतिया गाछिलाई आयोजकहरुले निरिक्षण गरिसकेको जनाएका छन । ति तीन वटै ठाउँमा सबभन्दा बढी उपयुक्त तिरहुतिया गाछिलाई ठहराको जनकपुरधाम उद्योग बाणिज्य संघ का पूर्व अध्यक्ष एवं मारवाडी सेवा समितिका अध्यक्ष निर्मण कुमार चौधरी ले बताउनु भयो ।
यहाँ चारैतिरबाट घेरिएको ले त्यहाँशान्ति सुरक्षा समेत रहने भएको ले उपयुक्त मानिएको छ । जानकीमंदिरको ठाउँ सांघुरो रहेको ले अनुपयुक्त स्थान उनिहरुले ठानेका छन ।
श्री राम कथामा बाहिरबाट आउने शिष्य् तथा अजमानको लागि यहाँ होटलहरु बुकभई सकेको छ । यसपाली आयोजन हुनलागेको राम कथाका मुख्य अजमान भारत मुजफ्फरपुर निवासी रहेको जनाएको छ ।