कमल साह, जनकपुरधाम
जनकपुरधाम, भाद्र ५ गते । यहाँका सेवा बचत तथा ऋण सहकारी संस्था ले जनक छात्रवासमा अध्ययनरत विद्यार्थीलाई ३० हजार बराबरको ड्रेस सामग्री सहयोग गरेको छ ।
जनजाति कल्याण आश्रम नेपालद्वारा जनकपुरधाममा संचालित जनक छात्रावास हो । यसमा बस्दै गरेका विद्यार्थीलाई उक्त ड्रेस एक समारोह बीच उपलब्ध गराईको छ ।
सेवा बचत तथा ऋण सहकारी संस्था का उपाध्यक्ष कृष्ण कुमार दीक्षितका अनुसार जनक छात्रावासमा रहेका विद्यार्थीलाई ट्रै–सुट र जुत्ता आवश्यकता भएको ले उपलब्ध गराएको हो ।
जाऔं वालौं दीपत्यहाँ, जहाँअझै अध्यारो छ नाराका साथ स्थापित जनक छात्रावास जनकपुरधाम प्रख्यात स्थल रत्न सरोवरको पश्चिम उत्तरी कुनामा संचालन भईरहेको छ ।
यस छात्रावासमा विपन्न जनजाति का बच्चाहरु निःशुल्क रुपमा अबास तथा खाना पाउँदै आएका हुन । यस छात्रावासको मुख्य उद्येश्य नै पैसाको अभावमा पठन पाठनबाट जनजातिका सन्तान बन्चित नहोस् ।
उहाँले अस्ता छात्रावास नेपालका ११ ठाउँमा संचालित रहेको जनाएका छन । समाजमा रहेका धार्मिक तथा सहयोगि हातहरुले यस संस्थामा चामल, दाल तथा नगद लगायत प्रदान गर्दै आएको बाट संचालन भईरहेको उहाँले थप्नुभयो ।