कमल साह
जनकपुरधाम,असार ७ गते । धनुषामा ७ दिन निषेधाज्ञा थप गरेर १४ गते सम्म पारिएको छ।तर, जोर विजोर गरेर टेम्पु र जिप पनि चलाउने छ ।

जिल्ला प्रशासन कार्यालय धनुषा मा आज बसेको जिल्ला कोभिड व्यवस्थापन समितिको बैठका बाट आज राती १२ बजेदेखि ७ दिनसम्म लागु हुने गरि निषेधाज्ञा थप गरिने निर्णय गरिएको छ । साथै आवश्यक पसलहरु आब दिउँसो ३ बजेसम्म खोल्न मिल्ने बैठकले निर्णय गरेको छ ।
गत साता नै त्यस्ता पसलहरू बिहान ११ बजेसम्म मात्र खोल्न दिने निर्णय भएको थियो ।
बैठक ले निजी सवारी साधन मोटरसाईकल ,टेम्पू, ट्याक्सी आदि जोर बिजोर प्रणाली अनुसार चलाउन सकिने निर्णय गरिएको छ । त्यस्तै, विद्यालयहरुमा भीडभाड हुन नदिई आलोपालो गरी पुस्तकहरु वितरणको व्यवस्था गर्न सकिने उल्लेख गरिएको छ । सरकारी, अर्ध सरकारी कार्यालय, स्थानीय तह एवं संस्थानहरुले भीडभाड हुन नदिई आलोपालो गरी नियमित सेवा सुचारु गर्ने निर्णय बैठकमा गरिएको छ । बैंक तथा वित्तीय संस्थाहरुले नियमित सेवा सुचारु गर्न भनिएको छ ।
निषेधाज्ञा आदेशको उल्लघंन गर्ने व्यक्ति तथा संस्थालाई कानुन अनुसार कारबाही गरिने जनाईएको छ ।