रामेछाप । मन्थलीमा जारी प्रथम तिनलाल स्मृति कप पुरुष भलिबल अण्डर २० प्रतियोगितामा फाईनलमा पुगेको नेबिसंघ खेलाडिको उमेर सम्बन्धी उजुरी पुष्टि सगैं बाहिरीएपछि देउरालीले सहज जीत निकालेको छ । सोमबार अपरान्ह भएको प्रतिस्पर्धात्मक खेलमा देउरालीले न्यू स्टार कुनौरीलाई सोझो सेटमा पराजित गरी उपाधिमा कव्जा जमाएको हो । देउरालीले कुनौरीलाई २५–१३ र २५–२३ को सोझो सेटमा पराजित गरेको हो ।

अखिल नेपाल राष्टि्य स्वतन्त्र विद्यार्थी यूनियन रामेछापले आयोजना गरेको उक्त प्रतियोगिताको सेमिफाईनल खेलमा नेपाल विद्यार्थी संघ र कुनौरी विच भएको खेलमा नेबिसंघले विजय हासिल गरी फाईनलमा प्रवेश गरेको थियो । तर नेबिसंघका एक जना खेलाडिको उमेरका विषयमा उजुरी परेको र उक्त उजुरी पुष्टि समेत भएपछि नेबिसंघलाई प्रतियागिताबाटै अलग बनाइ उसैसंग पराजित टोलीले देउराली संग प्रतिस्पर्धा गराइएको थियो । सेमिफाइनल सम्मकाे यात्रामा नेबिसंघलाई प्रतियाेगिताकाे उपाधि जित्नेमा हेरिएको थियाे ।

प्रतियोगिताका विजयी टिम तथा खेलाडिहरुलाई अनेरास्ववियुका केन्द्रीय अध्यक्ष समिक बढाल, एमाले पोलिटव्यूरो सदस्य तथा रामेछाप जिल्ला ईन्चार्ज कमलप्रसाद चौलागाई, एमाले केन्द्रीय सदस्य माधव ढुंगेल लगाएतले शिल्ड, पदक तथा पुरस्कार वितरण गरेको अखिलका जिल्ला अध्यक्ष पुष्कर भट्टराईले जनाएका छन् ।

रामेछापमा जन्मेका शहीद गंगालाल श्रेष्ठ, कम्युनिष्ट पार्टीका संस्थापक नेता पुष्पलाल श्रेष्ठ र साहित्यिक शहीद कृष्णलाल अधिकारीको स्मृतिमा अखिलले पहिलो पटक जिल्लामा तीनलाल स्मृति कप पुरुष भलिबल प्रतियोगिता संचालन गरेको हो ।