रामेछाप । नेकपा एमाले स्थायी समिति सदस्य तथा बागमति प्रदेशका ईन्चार्ज डाक्टर राजन भट्टराईले अस्थिर राजनीतिले उत्पन्न गरेको निराशा र संकट टार्न सरकार सक्षम र कृयाशिल रहेको वताएका छन् ।

प्रेस चौतारी नेपाल रामेछापले बिहिबार मन्थलीमा गरेको पत्रकार भेटघाट कार्यक्रममा बोल्दै डाक्टर भट्टराईले भने – ‘हामी देशमा उत्पन्न अस्थित राजनीतिक अवस्थाका कारण नागरिकमा देखापरेको निराशा र त्यसले निम्त्याएको संकट टार्नका लागि आएका हौं । यो सरकार वनेपछि देशमा शासकिय र आर्थिक अवस्थामा सुधारका संकेतहरु देखापरेका छन् डाक्टर भट्टराईले भने – नागरिकले खोजेको जतिनै उपलव्धि हासिल नभैसकेको भएपनि सरकारले ७ महिनाको अवधिमा उल्लेख्य काम गरेको छ । ‘सरकारले केहि गर्न सकेन भन्ने कुरामा खेलेर सरकार परिवर्तनको कुरा उचालिएको हो भट्टराईले भने – त्यसमा कुनै दम छैन्, यो सरकार २०८४ सम्मै जान्छ । सरकारमा रहेका दुई प्रमुख पार्टीहरु विचको सम्बन्ध सुदृढ बनेको पनि उनले वताए ।

नेपाली काँग्रेस र एमाले देशका प्रमुख शक्ति हुन् र यिनैले बिभिन्न निरन्कुशता सँग लडेर यो व्यवस्था ल्याएको भन्दै उनले संविधानले दिएको नागरिक अधिकारको रक्षा गर्नुपनि यीनै दलको प्रमुख दायित्व रहेको वताए । हामीले गर्नुपर्ने शासकिय सुधार हो, त्यसका लागि धेरै काम गर्नुपर्नेछ उनले भने ।

सरकार वन्ने वित्तिकै संविधान संशोधन हुने कुरा असान्दर्भिक रहेको भन्दै डाक्टर भट्टराईले संविधान संशोधनको विषयमा दुई प्रमुख पार्टीहरुका विचमा विभिन्न विषयमा छलफल जारी रहेको समेत वताए । संविधान संशोधनमा समावेश हुनुपर्ने मुद्धाहरुमा एक भन्दा बढी पार्टीहरुका विचमा सहमति आवश्यक पर्ने भएकाले त्यसका बारेमा छलफल चलिरहेको उनले वताए । संविधान संशोधनको कार्य चाडो हुने विषय नभएकोले हामीले संशोधनको विषयालाई छोडेको नभै प्रयाप्त गृहकार्यमा रहेको अवस्था छ ।

डाक्टर भट्टराईले अव देशमा अस्थिरताको खेति नफष्टाउने वताए । आउदो निर्वाचनमा स्पष्ट बहुमत नआएपनि देशको ठुलो पार्टीले सरकारको नेतृत्व गर्ने व्यवस्था बाट अघी बढ्ने तयारीमा छौं भट्टराईले भने – त्यसो भएमा नागरिक तहमा निराशा जगाएर खेल्नेहरुले कुनै मौका पाउदैनन्, मुलुकमा कुनै अस्थिरता हुनेछैन् ।

पत्रकारहरुको प्रश्नमा पाथिभरा केवलकार निर्माण गर्दैमा त्याहाको सभ्यता मासिने कुरा गलत भएको वताए । उनले त्याँहा केवलकारको विषयलाई मुद्धा वनाउदा जनताालाई विभाजन गर्न चाहने तत्वले काम गरेको र राज्यले त्यसलाई नियालिरहेको वताए । केवलकार निर्माणमा देखिएको गतिरोधको समाधान वार्ताबाटै गर्नुपर्ने धारणा एमालेको रुहेको समेत उनले वताए ।

नेकपा एमालेका विरुद्ध फैलाइएको भ्रम चिर्नका लागि एमालेले देशव्यापी रुपमा संगठन सुदृढिकरण गर्दै पार्टीका कुरा तल्लो तह सम्म पु¥याउने काम गरीरहेको उनले वताए । भट्टराई बिहिबार हुने रामेछाप जिल्ला भेलाका लागि आएका हुन् । कार्यक्रममा नेकपा एमाले बागमति प्रदेशका अध्यक्ष तथा केन्द्रीय सदस्य कैलाशप्रसाद ढुङ्गेल, एमाले केन्द्रीय सदस्य तथा संगठन विभागका सचिव माधवप्रसाद ढुङ्गेल र जिल्ला अध्यक्ष पुरुषोत्तम कडरीया लगाएतको सहभागिता रहेको थियो ।