काठमाडौं । अस्ट्रेलियन क्रिकेट टोली विश्व टेस्ट च्याम्पियनसीपको फाइनलमा प्रवेश गरेको छ । अस्ट्रेलिया टेस्ट च्याम्पियनसीपको फाइनलमा लगातार दोस्रोपटक पुगेको हो । फाइलनमा उसले दक्षिण अफ्रिकाको सामाना गर्नेछ ।
     भारतले चौथो इनिङमा दिएको १ सय ६२ रनको लक्ष्य अस्ट्रेलियाले ४ विकेटको क्षतिमा पूरा गर्दै श्रृंखला ३–१ ले कब्जा जमाएको हो । अस्ट्रेलियाको जितमा ट्राभिस हेडले अविजित ३४ तथा बेउ वेबस्टरले अविजित ३९ रन बनाएका थिए । उसमान ख्वाजाले ४१ रन बनाए भने भारतका प्रसिध कृष्णाले तीन तथा मोहमद सिराजले एक विकेट लिएका थिए ।
      त्यसअघि आफ्नो दोस्रो इनिङ सुरू गर्नुपूर्व ४ रनको अग्रता भएको भारतले थप १ सय ५७ रन जोड्दा अलआउट भयो । भारतका रिषभ पन्तले सर्वाधिक ६१ रन बनाए भने यशश्वी जैसवालले २२ रन बनाएका थिए । अस्ट्रेलियाका स्कट बोल्यान्डले ६ विकेट लिए । पहिलो इनिङमा ४ विकेट लिएका उनले टेस्ट करियरको पहिलो १०–विकेट फिगर पनि हासिल गरे ।