कमल साह
जनकपुरधाम , पुस ४ गते । मधेस प्रदेशको राजधानी तथा देवनगरी जनकपुरधाममा भोली शुक्रबारदेखि शुरु हुने नेपाली काँग्रेसको प्रथम मधेश अधिवेशनको सम्पूर्ण तयारी पुरा भएको छ । अधिवेशन पुस ५ र ६ गते हुनेछ । ५ गते उद्घाटन शत्र तथा ६ गते बन्द शत्र हुने मधेस प्रदेशका महामन्त्री वृहस्पति कृष्ण श्रेष्ठले बताउनुभयो ।
काँग्रेसको मधेश प्रदेश कार्यालयमा जनकपुरधाममा आज पार्टीले आयोजना गरेको पत्रकार सम्मेलनमा प्रथम मधेश अधिवेशन सङ्घीयता तथा लोकतान्त्रिक गणतन्त्रका लागि महत्वपूर्ण हुने पार्टीका प्रदेश सभापति एवं मधेश प्रदेश सरकारका भौतिक पूर्वाधार विकासमन्त्री कृष्णप्रसाद यादवले बताउनुभयो ।
उहाँले अधिवेशनको उद्घाटन पार्टीका सभापति एवं पूर्वप्रधानमन्त्री शेरबहादुर देउवाले गर्नुहुने जानकारी गराउनु भयो ।त्यस्तै अधिवेशनमा पार्टीका उपसभापति द्वय पूर्ण बहादुर खड्का, धनराज गुरुङ, महामन्त्रीद्वय गगन थापा, विश्व प्रकाश शर्मा र सहमहामन्त्रीहरू सहभागी हुनु हुने उहाँले बताउनु भयो ।
सो अधिवेशनमा ८ सय २५ जना प्रतिनिधि सहभागी हुने उहाँले जनकारी दिनुभयो ।