सन्जु कर्ण, सर्लाही,
सर्लाही, कार्तिक २३ गते । सर्लाहीमा नेपाली कांग्रेसको महासमिती सदस्य चयनको लागी भेला तथा छलफल सुरु भएको छ । सर्लाही क्षेत्र नं.१ मा महासमिती सदस्यको लागी सर्वसहमती हुन नसके पछी चुनाव हुने भएको छ । चुनावको लागी हिजो (बुधवार) मनोनयन भएको र भोली (शुक्रवार) चुनाव हुने नेपाली कांग्रेस सर्लाहीका सचिव निरज कार्कीले बताउनु भयो ।
सर्लाही क्षेत्र नं.२ मा भने संस्थापन पक्ष र ईत्तर पक्ष विच कुरा नमिले पछि बिवाद भएको छ । संस्थापन पक्षले सर्वसहमत चयन गरेपनी ईत्तर पक्षले नमाने पछी त्यहाँ बिवाद भएको हो ।
सर्लाही क्षेत्र नं.३ मा भने सर्वसहमत भएको छ । सर्लाही क्षेत्र नं.३ को बरहथवामा भएको भेलाले ११ जाना महासमीती सदस्य चयन गरीएको नेपाली कांग्रेस सर्लाहीका सचिव कार्कीले बताउनु भयो ।
प्रत्यक्ष महिला तर्फ श्री यशोदा देवी निरोला चालीसे, श्री माया कार्की बस्नेत, खुलातर्फ श्री हरेश प्रसाद महतो, श्री विनोद खनाल, श्री कृष्णदेव यादव, श्री राम प्रसाद मैनाली, श्री सुरेन्द्र दास कथबनिया, खस आर्य तर्फ श्री कृष्णराज रायमाझी, आदीवासी जनजाती तर्फ श्री सोनी कुमारी बम्जन, मधेशी महीला तर्फ श्री रन्जु कुमारी ठाकुर र खुला तर्फ श्री राम बाबु राय यादव महासमीती सदस्य चयन भएका छन् ।
उता सर्लाही क्षेत्र नं.४ मा भने यस अघीनै महासमीती सदस्य चयन भईसकेका छन् ।