सन्जु कर्ण, सर्लाही,
सर्लाही, माघ २२ गते । आज (आईतवार) प्रेस चौतारी नेपालको स्थापना दिवस तथा पत्रकार टंक क्षेत्रीको जन्मदिनको अवसरमा मिष्ठान्न भोजन गराईएको छ ।
प्रेस चौतारीको् २५औं स्थापना दिवस र पत्रकार महासंघ सर्लाही साखाका अध्यक्ष टंक क्षेत्रीको जन्मदिनको अवसरमा आज सर्लाही हरिवन वडा नं.१ स्थित कैलासपुरीमा रहेको मानव सेवा आश्रम, लालबन्दि वडा नं.२ जुडपानीमा रहेको पद्यम भुवनेश्वरी बृद्ध सेवा आश्रम र हरिवन ५ मा रहेको द्धन्द पिडीत वाल गृहमा मिष्ठान्न भोजन गराईएको छ ।
कैलासपुरीमा रहेको मानव सेवा आश्रममा नेकपा एमालेका उपाध्यक्ष रेवती पन्त, हरिवन नगरपालीकाका तत्कालीन मेयर गणेश प्रसाई, नेकपा एमालेका सर्लाहीका उपाध्यक्ष बिदुर प्याकुरेल, हरिवन नगरपालीका वडा नं.१० का अध्यक्ष शम्भु मैनाली, पत्रकार महासंघ सर्लाहीका संस्थापक अध्यक्ष चुडामणी वाग्ले, गिता नाथ मैनाली लगायतको उपस्तिथीमा भोजन गराईएको प्रेस चौतारी नेपालका जिल्ला अध्यक्ष अच्युतम सापकोटाले बताउनु भयो ।
यसैगरी पत्रकार महासंघ सर्लाही साखाका अध्यक्ष टंक क्षेत्री केही पत्रकार साथीहरुको साथमा आश्रममै आई मिष्ठान्न भोजन गराउनु भएकोमा पद्यम भुवनेश्वरी बृद्ध सेवा आश्रमकी ब्यबस्थापीका भवानी कोईरालाले धन्यवाद ज्ञापन गर्नुभयो ।