कमल साह
जनकपुरधाम, मंसिर १७ गते । मिडिया काउन्सिल मधेश प्रदेशका अध्यक्ष शिवहरि भट्टराईको निधन भएको छ ।
उहाँको निधन प्रति मिथिला जागरण गहिरो दुःख व्यक्त गर्दै हार्दिक श्रद्धांजलि अर्पण गर्दछन ।
नेपाल पत्रकार महासंघ सर्लाही शाखाको साधारणसभामा सहभागी हुन शुक्रबार साँझ सर्लाही पुगेका भट्टराई शनिबार बिहान होटलको कोठामा मृत अवस्थामा भेटिएका हुन् ।
लालबन्दी नगरपालिका–१३ पत्थरकोटास्थित होलिडे रिसोर्टको कोठामा ६७ वर्षीय भट्टराई मृत फेला परेको प्रहरीले जनाएको छ ।
भट्टराई नेपाल पत्रकार महासंघ सप्तरी शाखा संस्थापक सभापति र नेपाल पत्रकार महासंघका पूर्वकेन्द्रीय उपसभापति समेत भईसकेका छन । घटनाको बारेमा अनुसन्धान भइरहेको जिल्ला प्रहरी कार्यालय सर्लाहीले जनाएको छ ।
भट्टराईको निधनप्रति मधेश प्रदेश सरकारले हार्दिक श्रद्धाञ्जली व्यक्त गरेको छ ।