कमला भट्टराई
दमक (झापा)असोज १६ गते । नेपाली नागरिक पार्टी दमक नगर समितिले प्रेस बिज्ञप्ति प्रकाशित गरी झापा जिल्लाको दमक नगरपालिका बडा नं ४ मा अबस्थित हिमालय माध्यमिक विद्यालयको आर्थिक हिनामिना तथा अनियमितता भएको घटना प्रति हाम्रो गौरवशाली पार्टी नेपाली नागरिक पार्टीको गम्भीर ध्यानाकर्षण भएको जनाएको छ ।
बिज्ञप्तिमा देशकै नमूना एवं झापाको पुरानो विद्यालय जहां तीन हजार भन्दा बढी संख्यामा विधार्थीहरु अध्ययनरत छन । स्थानीय सरकारले अवैधानिक रूपमा राजनीति करणको आड भरोसामा गठन गरिएको कथित विद्यालय ब्यबस्थापन समितिको प्रत्यक्ष संलग्नतामा यो घृणित कार्य भएको दाबी गरेको छ ।
पार्टी दमक नगर समिति इन्चार्ज देबी भेटबाल व्दारा हस्ताक्षरित बिज्ञप्तिमा भनेको छ शिक्षा जस्तो पवित्र क्षेत्रमाउ राजनीतिक हस्तक्षेप हुनु हुदैन ।
त्यहा अध्ययन रतm विद्यार्थीहरुको अभिभावकले विद्यालयको नेतृत्व र संरक्षण गर्नु पर्छ भन्ने नेपाली नागरिक पार्टीको मांग रहेको सन्दर्भमा स्थानीय सरकारले विद्यालयलाई पार्टी कार्यकर्ता भर्ती केन्द्र बनाउनुले बास्तबमा बिद्यालयमा भ्रष्टाचार मौलाउनुको मुख्य कारण हो ।
बिज्ञप्तिमा यस प्रबृत्तिले विद्यालयहरु देशब्यापी रुपमा ध्वस्त बन्दै गएको बताउदै विद्यालयमा भएको यो घटनाको न्यायोचित छानबीन गर्न छानबीन समिति गठन गर्नुपर्ने र तत्काल प्रतिबेदन सार्बजनिक गरी दोषी माथी कावार्ही गर्न जोडदारका साथ मांग गरेको छ ।