रामेछाप । नेपाली काँग्रेसको भातृ संस्था नेपाल लोकतान्त्रिक खेलकुद संघ रामेछापको अध्यक्षमा लिखु तामाकोशी गाउँपालिकाका पुष्कर पौडेल निर्बिरोध निर्वाचित भएका छन् ।
शनिबार मन्थलीको बिपी स्मृति भवनमा भएको प्रथम जिल्ला अधिवेशनले पौडेललाई निर्बिरोध अध्यक्षमा चयन गरेको हो । संघमा अन्य पदाधिकारी तथा सदस्यहरु, प्रदेश सभा संयोजक र स्थानीय तह संयोजक समेत निर्बिरोध चयन भएका छन् ।

संघले दिएको जानकारी अनुसार उपाध्यक्षमा शुशिल तामाङ र छाया तामाङ, सचिवमा संतोष खत्री, सह सचिवमा अनिल कर्माचार्य र कोषाध्यक्षमा आषिश कार्की रहेका छन् ।
त्यसैगरी सदस्यहरुमा सुदिप थापामगर, भोजवहादुर सुनुवार, एल्सन श्रेष्ठ, कमल तिमिल्सीना, धावा लामा, निरज मगर, शेरवहादुर मगर, हिरा दाहाल, निर्मल केसी, हिमाल केसी, सरोज थापामगर, प्रज्वल खड्का, सुजन चौहान, सुभराज सुनुवार, अनिल तामाङ, अमृता माझी, रमेश पौडेल, सविता कार्की र सुरेश कार्की समेत सर्बसम्मत रुपमा चयन भएको संघले जनाएको छ ।

संघको प्रदेश समिति क को संयोजकमा हिरो तामाङ र ख को संयोजकमा नबराज पौडेल चयन भएका छन् । त्यसैगरी मन्थली नगरपालिकाको संयोजकमा सविन केसी, रामेछाप नगरपालिकाको संयोजकमा श्याम थापा, लिखु तामाकोशी गाउँपालिकाको संयोजकमा होमवहादुर थापामगर, उमाकुण्ड गाउँपालिकाको संयोजकमा भोजवहादुर सुनुवार, दोरम्बा शैलुङ गाउँपालिकाको संयोजकमा भरत खत्री, सुनापति गाउँपालिकाको संयोजकमा युवराज चौलागाई र खाँडादेवि गाउँपालिकाको संयोजकमा धनसिं थोकर सर्वसम्मत निर्वाचित भएका छन् ।
संघको प्रथम जिल्ला अधिवेशन तदर्थ समितिका संयोजक पुष्कर पौडेलको अध्यक्षतामा भएको थियो । अधिवेशनमा नेपाली काँग्रेस रामेछापका कार्यबाहक सभापति लेखवहादुर कार्की र महासमितिका सदस्य ध्र्वहरी ढुंगेल लगाएतले संघको भूमिकाका बारेमा आ आफ्ना धारणा प्रकट गरेका थिए ।