रामेछाप – बर्षौ पछि रामेछापको बेनिघाट क्षेत्रमा दुर्लभ गिद्द फेला परेका छन । बुधबार मसानटार नजिक तामाकोशी किनारमा करिव आधा दर्जन गिद्ध देखीएका हुन ।

    तामाकोशीको किनारमा रहेको सिनो खानका लागि आएका ति गिद्दको नाम र बासस्थानका बारेमा स्थानीय अनभिज्ञ छन । दुइ दिन देखि उक्त क्षेत्रमा गिद्धको बथान देखिएको र तिनले कोशीले बगाएर ल्याएको सिनो खाइरहेको स्थानीय आइती माझीले वताइन ।

    बाक्लै गिद्ध देखिने रामेछापको दक्षिणी क्षेत्रमा झण्डै दुइ दसक पछि यति धेरै गिद्ध देखापरेका हुन । जलवायु परिवर्तनको तिव्र असर देखापरेको दक्षिणी रामेछापमा गिद्धका लागि उपयुक्त बासस्थान छैन । कोशी किनारका सिमलका रुख नासिनु र बुढागाई भैंसीहरु खेदुवाले लैजान थालेपछि गिद्ध लोप भएका थिए । पशु प्राविधिकले गाई भैसीमा चलाउने डाइकोफाम नामका औषधिका कारण गिद्द थप संकटमा परेका थिए । डाइकोफाम लगाइएको गाइभैसीको सिनो खाने गिद्दमा भुत्ला खुइलिने, समूहबाट एक्लिने र मर्ने गर्छन् । सरकारले साे अौषधिलाई प्रयाेग नगर्न भने पनि अझै पनि अौषधिकाे प्रयाेग राेकिएको छैन् । 

    नेपाल गिद्दको प्रमुख बासस्थान भएको क्षेत्रमा पर्ने भएपनि जलवायु परिवर्तनका कारण पछिल्लो दशक गिद्द लोप हुने चरणमा छ । वातारणको सन्तुलनका लागि गिद्दको संरक्षण जरुरी भन्दै वातावरणविदहरुले गिद्दको संरक्षण र प्रजननका लागि विभिन्न कार्यक्रम संचालन गर्दै आएका छन । गिद्दलाइ पृथ्विकाे कुचिकार भन्ने गरिन्छ ।