रामेछाप । पश्चिम तिर ढल्केको घामको छाँया तामाकोशीको निलो पानीमा टल्केको बेला बिहिबार अपरान्ह तामाकोशीमा रातो रङको ¥याफ्टिङमा रातै सुरक्षाकवच लगाएर एक दर्जन जलयात्रीहरुले झण्डै एक घण्टा रोमाञ्चक यात्रा गरे ।

मन्थली नगरपालिका ११ को पन्थली र लिखु तामाकोशी गाउँपालिका ७ को तिल्पुङ हलेदेको विच तामाकोशी नदीबाट हेलिएका उनीहरु एकैछिनमा यात्राभरकै रोमाञ्चकारी क्षणमा पुगे । हलेदे भन्दा केहि तल तामाकोशीको पानी सानो चेपबाट निकै ओरालिएर वग्छ । त्यहि ठाउँमा पुगेपछि ¥याफ्टिङ उफ्रियो र यात्रामा रहेका सवैलाई पानीले निथ्रुक्क भिजायो । माघको चिसोमा ¥याफ्टिङ माथिका यात्रु भिजे पनि त्यस क्षणको रोमाञ्चकारी यात्रालाई निरन्तरतानै दिए ।

केहि स्थानमा जमेको पानीमा ¥याफ्टिङ तैरियो । यात्रुहरुले एक अर्कालाई पानी छेप्दै रमाईलो गरे । चालकले सुस्तरी अघी बढाएको ¥याफ्टिङ कठजोरखोला दोभान, बान्द्रे, सोती, करमबोट, डुम्रे र आकाशे पुगेर अडियो । विच विचमा कतै निकै चाँडो, कतै सुस्तरी र कतै ढुङ्गा छल्दै अघी बढेको ¥याफ्टिङमा रहेका यात्रुहरुले मोवाईलबाट फोटो र भिडियो कैद गरेर यात्रालाई थप रोमाञ्चित बनाए । ‘यात्रा साँच्चै रोमाञ्चकारी भयो ’ ¥याफ्टिङमा दोश्रो पटक यात्रा गरेका विमल पौडेलले भने – साहसिक उक्त यात्रालाई सम्बन्धित निकायले निरन्तरता दिनुपर्छ । जलयात्रामा सहभागि केहि पहिलो पटक ¥याफ्टिङ चढदै थिए । सुरुमा केहि डर भएपनि यात्रा अवधि रमाईलो र विर्सन नसकिने भएको यात्रुहरुले वताए ।

रामेछाप उद्योग वाणिज्य संघले आयोजना गरेको रामेछाप कृषि पर्यटन मेला प्रदर्शनी २०८१ को अवसरमा व्यवसायीहरुले उक्त ¥याफ्टिङ संचालन गरेका हुन् । व्यवसायी सुमन खड्काका अनुसार गत बर्ष पनि ¥याफ्टिङ संचालन भएको थियो । मेला महोत्सवको बेलामा केहि दिन मात्र उक्त व्यवसाय संचालन गर्नु भन्दा स्थानीय सरकारले तामाकोशीमा जलयात्रा संचालन गरेर आन्तरिक तथा बाह्य पर्यटकलाई आकर्षित गर्नुपर्नेमा स्थानीयले जोड दिएका छन् ।