रामेछाप । आज विहानै देखि परेको बर्षाको कारण रामेछापबाट लुक्लाका लागि निर्धारण गरिएका सवै उडान अवरुद्ध भएका छन् । रामेछाप र लुक्लामा पानी परिरहेको र हवाई मार्गमा कुहिरो लागेको छ ।

रामेछाप नागरिक उडड्यन कार्यालयका एटिसी प्रज्वल गुरागाईका अनुसार आजका लागि रामेछापबाट लुक्ला जाने करिव १५ वटा उडान गर्ने तालिका थियो । ति कुनै पनि उडान हुन सकेनन् । आज उडान हुने अवस्था छैन् गुरागाईले भने मौसममा सुधार भएको छैन् ।

विहानै देखि ल्ुक्ला जान रामेछाप विमानस्थलमा पुगेका अधिकांश विदेशी पर्यटक रहेका थिए । ति मध्ये केहि फर्किएका र केहि मध्यान्ह सम्म विमानस्थलमानै रहेका छन् । गुरागाईका अनुसार हवाई कम्पनीहरुले उडान रद्ध गरेको जानकारी दिएपछि उनीहरु फर्किनेछन् ।

लुक्ला तर्फ गएका यात्रुहरु अव फर्किने वेला भएकाले लुक्लाबाट रामेछाप आउने यात्रुहरु लुक्लामानै बसेका छन् । यो सगरमाथा आधार सिविर तर्फ जाने मुख्य पर्यटकिय सिजन हो । यो सिजनमा अधिकांश विदेशि यात्रुहरुनै लुक्ला विमानस्थल भएर त्यसतर्फ जाने गर्छन् । डिसेम्बरको आधा उधि सम्म त्यसतर्फको उडान रामेछाप विमानस्थलबाट हुने गर्छ ।

मौसम विग्रेर हवाईजहाजको उडान प्रभावित हुदाँ यसअघी हेलिकप्टर कम्पनीहरुले रामेछापबाट पर्यटकहरु बोकेर लुक्ला र सुर्के उडने गरेका थिए । तर आज भने हेलिकप्टर पनि उडेका छन् । एसिटी गुरागाईका अनुसार हेलिकप्टरको उडान कार्यक्रम भने नागरिक उडड्यन कार्यालयमा आउदैन् । आकस्मिक रुपमा हुने त्यस्तो उडानको जानकारी यात्रु हालेर उडने बेलामा मात्र हेलिकप्टर चालकले एटिसीलाई गराउने र उडने गर्छन् ।