रामेछाप । रामेछापको मन्थलीमा निर्माण भएको जिल्ला ट्राफिक कार्यालयको भवन शुक्रबार उद्घाटन गरिएको छ । बागमति प्रदेशका आन्तरिक मामिला तथा कानुन मन्त्री सुरजचन्द्र लामिछाने र नेपाल प्रहरीका बागमति प्रदेश प्रमुख प्रहरी नायव महानिरीक अरुण पौडेलले उक्त भवनको संयुक्त रुपमा उद्घाटन गरेका हुन् ।
मन्थली नगरपालिका १ ट्राफिकचोकमा निर्माण भएको उक्त सुविधा सम्पन्न भवनमा कार्यालय कक्ष, आवास लगाएतको प्रवन्ध छ । ब्रम्हायणी विरुपाक्ष्य जेभि संग भएको संझौता बमोजिम निर्धारित अवधिमानै उक्त भवन निर्माण कार्य सम्पन्न भएको हो । भवन निर्माणका लागि ३ करोड २५ लाख ५२ हजार खर्च भएको जनाइएको छ । भवन उद्घाटन समारोहमा निर्माण व्यवसायीका साथै भवन निर्माणका लागि जग्गा उपलव्ध गराउन सहयोग गर्नेलाई सम्मान गरिएको थियो ।
भवन र जनशक्तिको अभावमा रामेछापमा यातायात व्यवस्थापनको काम कठिनाईका साथ सम्पादन हुदै आएको थियो ।
