रामेछाप । नेपाली काँग्रेस रामेछापका नेता तथा समाजसेवि भरत प्रसाद चौलागाईले रामेछापको मन्थली नगरपालिका २ कठजोरमा रहेको निलकण्ठेश्वर माविमा अध्ययन गर्ने बालबालिकाहरुलाई ट्याकसुट वितरण गरेका छन् ।

शुक्रबार विद्यालयमा आयोजित कार्यक्रममा नेता चौलागाईले उक्त माविमा कक्षा ईसिडि देखि १२ सम्म अध्ययन गर्ने ४ सय विद्यार्थीहरुलाई ट्याकसुट वितरण गरेका हुन् । उनले मन्थली नगरपालिकाको वडा नम्बर २ र ३ मा रहेका सवै सामुदायिक विद्यालयमा अध्ययन गर्ने बालबालिकाहरुलाई ट्याकसुट वितरण गर्ने योजना अघि सारेका छन् ।

नेता चौलागाईले केहि बर्ष अघी देखि रामेछाप जिल्लाका विभिन्न सामुदायिक विद्यालयमा कम्प्युटर, प्रिन्टर, लगाएतका सामाग्री समेत सहयोग गर्दै आएका छन् । जिल्लाका विभिन्न विद्यालयमा अध्ययन गर्ने बालबालिकाहरुलाई यस अघी पनि उनले सयौं सेट ट्याकसुट वितरण गरीसकेका छन् ।

ग्रामिण क्षेत्रमा रहेको सामुदायिक विद्यालयमा अध्ययन गर्ने गरिव तथा जेहेन्दार विद्यार्थीहरुलाई ट्याकसुट उपलव्ध गराउदा शैक्षिक अवस्थामा सुधार ल्याउन थोरै भएपनि सहयोग पुग्ने आशाका साथ चौलागाईले उक्त अभियान सुरु गरेका थिए ।

यसैविच समाजसेवि चौलागाईलाई निलकण्ठेश्वर मावि कठजोरले सम्मान गरेको । विद्यालय व्यवस्थापन समितिका अध्यक्ष शंकरप्रसाद अधिकारी र प्रअ कुशप्रसाद दाहालले निकलण्ठेश्वर माविको शैक्षिक गुणस्तर कायम गराउनका लागि चौलागाईले पुर्याएको योगदानका लागि कदरपत्र समेत प्रदान गरेका थिए ।

निलकण्ठेश्वर मावि कठजोरका प्रअ कुशप्रसाद दाहालले समाजसेवि चौलागाईको सहयोगले ग्रामिण क्षेत्रमा रहेको सामुदायिक विद्यालयमा अध्ययन गर्ने बालबालिकाहरुलाई ठुलो सहयोग पुगेको वताए ।