रामेछाप- करदाता सेवा कार्यालय मन्थलीकी प्रमुख प्रतिमा घिमिरेको सरुवा भएपछि रामेछाप उद्योग बाणिज्य सङ्घले फेरि भेटौला कर्यक्रम आयोजना गरी कर अधिकृत घिमिरेलाई विदाइ गरेको छ ।
कर अधिकृत घिमिरेको विदाइमा रामेछाप उद्योग वाणिज्य सङ्घले शुक्रवार फेरि भेटौला कार्यक्रम आयोजना गरेको हो । अधिकृत घिमिरे करिब एक वर्ष अघि करदाता सेवा कार्यालय रामेछापका कर अधिकृतको रुपमा आएकी थिइन । उनको हाल कर कार्यालय काठमाडौँमा सरुवा भएको हो ।
कार्यक्रममा रामेछाप उद्योग बाणिज्य सङ्घका अध्यक्ष नवीनकुमार थापामगरले कर अधिकृत घिमिरेलाई मायाको चिनो उपहार दिएर विदाइ गरेका थिए । बाणिज्य सङ्घमा भएको उक्त कार्यक्रममा रामेछाप उद्योग बाणिज्य सङ्घका वरिष्ठ उपाध्क्ष, विशिष्ट सदस्य, सचिव र सदस्यहरुको समेत उपस्थिति रहेको थियो ।
रामेछाप उद्योग बाणिज्य सङ्घले जिल्ला प्रशासन कार्यालय, जिल्ला प्रहरी कार्यालय र कर दाता सेवा कार्यालयका प्रमुखहरुलाई स्वागत र बिदाइ कार्यक्रमहरु विगत वर्षहरुदेखि नै गर्दै आएको छ ।