रामेछाप । रामेछापको खाँडादेवि गाउँपालिकाका अध्यक्ष ज्ञानकुमार श्रेष्ठले आफ्नै पार्टीका जनप्रतिनिधिको कारण गाउँपालिकाले कुनै काम गर्न नसकेको गुनासो गरेका छन् ।

शुक्रबार राति संचारकर्मीहरुलाई सन्देश पठाउदै नेकपा एमाले बाट गाउँपालिकामा निर्वाचित अध्यक्ष श्रेष्ठले भनेका छन् – असी प्रतिशत नेकपा एमालेका जनप्रतिनिधि हुदाँ पनि काम गर्न सकिएन । उनले वडा अध्यक्षहरुलेनै बारम्बार गाउँपालिकाको निर्णय र त्यसको कार्यान्वयनमा बाधा उत्पन्न गरीरहेको वताएका छन् । जनप्रतिनीधिकै असहयोगका कारण गाउँपालिकामा कुनै कर्मचारी नटिक्ने र जसका कारण पालिकाले कार्यसम्पादनमा समस्या झेल्नु परेको गुनासो श्रेष्ठको छ ।

पछिल्लो पटक गाउँपालिकाबाट नदीजन्य सामाग्रीको ठेक्का नलागे पछि अमानतबाट पैसा उठाउने काम गरेको तर अमानतमा उठ्नु पर्ने जति रकम नउठेपछि असुल उपरका लागि ताकेता गर्ने भन्ने निर्णय गाउँ कार्यपालिका बाट गराएकोमा उक्त निर्णयमा आफुलाई जानकारी नगराई ३ दिन पछि ५ जना वडा अध्यक्षहरुले प्रमुख प्रशासकिय अधिकृतकोमा पुगेर नोट अफ डिसेन्ट लेखेको भन्दै श्रेष्ठले भनेका छन् – गाउँपालिकामा यति धेरै समस्या हुदाँ पनि पत्रकारहरु कता हुनुहुन्छ ? ।

अध्यक्ष श्रेष्ठले विगतमा नेकपा एमालेका जनप्रतिनिधिले भन्दा आफुले राम्रो काम गर्न खोजेको भन्दै त्यसको प्रमाण गाउँपालिकाको बेरुजु रहेको औल्याएका छन् । पहिलेका जनप्रतिनिधिहरुले विभिन्न वेतिथि गरेको उनको आसय रहेको छ ।

श्रेष्ठ आफ्नै वडाका वडाअध्यक्ष पुष्कर कार्की संग अरु भन्दा बढी चिढीएका छन् । कार्की र उनको विभिन्न विषयमा यस अघी पनि मतमतान्तर हुदै आएको छ । कार्कीकै नेतृत्वमा अन्य जनप्रतिनिधिहरुले आफुलाई असहयोग गरेको उनले दावि गरेका छन् । साथै श्रेष्ठले यसअघी भएका समस्याहरुको समाधानमा पार्टीले पहलकदमी गरेको उल्लेख गरेका छन् ।