पत्रकार हत्याको विरोधमा रामेछापमा पत्रकारहरु आन्दोलित
6 दिन पहिले प्रकाशित

रामेछाप । शुक्रबार राजावादीले आव्हान गरेको आन्दोलनको रिपोर्टिङ गर्ने क्रममा काठमाडौंको तिनकुने स्थित एउटा घरभित्र जलेर मृत्यू भएका एभिन्यूज टेलिभिजनका पत्रकार सुरेश रजकको हत्याको विरोधमा रामेछापका पत्रकारहरुले शनिबार मन्थलीमा विरोध सभा गरेका छन् ।
नेपाल पत्रकार मसहांघको आव्हानमा भएको उक्त सभामा पत्रकारहरुका अतिरीक्त राजनीतिक दलका अगुवा र सामाजिक संघ संस्थाका प्रतिनिधिले समेत उक्त घटना जघन्य भएको वताउदै दोषिलाई कारवाहि गर्न माग गरी पत्रकारहरुको आन्दोलन प्रति ऐक्यवद्धता प्रकट गरेका छन् ।
नेपाल पत्रकार महासंघ जिल्ला शाखाको आयोजनामा मन्थलीको देबकोटाचोकमा शनिबार विहान भएको विरोध कार्यक्रममा महासंघका केन्द्रीय सदस्य नवराज पथिक, जिल्ला शाखाका पूर्व अध्यक्षहरु हिमाल ढुंगेल र बद्री नयाँघरे, जिल्ला अध्यक्ष दिपक घिमिरे लगाएतले समाचार संकलन गर्ने जिम्मेवारी निर्वाह गर्दा गर्दै आगोमा लप्कामा परेर ज्यान गुमाएका पत्रकार रजक प्रति श्रद्धाञ्जली प्रकट गर्दै राजावादीहरुको आन्दोलनले स्वतन्त्र पत्रकारीता क्षेत्रलाई निशाना बनाएकोमा रोष प्रकट गरे । उनीहरुले आन्दोलनका क्रममा भएको हत्या हिंसा र लुटपाटको जिम्मा राजावादीले लिनु पर्ने भन्दै राज्यले सत्यतथ्य छानविन गरी दोषिलाई कडा कारवाहिको दायरामा ल्याउनु पर्नेमा जोड दिएका थिए ।
नेपाल पत्रकार महासंघले शुक्रबार साँझनै परिपत्र गरी देशैभर विरोधका कार्यक्रम संचालन गर्न आव्हान गरेको थियो । महासंघको स्थापना दिवसका अवसरमा आयोजना गर्ने भनिएका सवै कार्यक्रमहरु शनिबार स्थगित गरी पत्रकारहरु संचारकर्मी र संचार माध्यममा भएको हत्या र तोडफोडको विरोधमा उत्रिएका हुन् ।
कमेन्ट गर्नुहोस्
तुँवालोले छेक्यो लुक्लाको उडान
रामेछाप । बाक्लो तुँवालोका कारण रामेछापबाट आज विहानै देखि लुक्लाका लागि उडान हुन सकेका छैनन् । लुक्लाका लागि आज ..
7 घन्टा पहिले
सार्वजनिक सडक बिक्री हुन्छन् रामेछापमा
टीकाप्रसाद भट्ट रामेछाप । सडक निर्माण भएको जमिनलाई नापी नक्शामा रेखाङ्कन नगर्दा रामेछापका जिल्ला स्तर देखि ग्र..
8 घन्टा पहिले
माकादुमको खत्रीगाउँमा खानेपानी पु¥याएपछि सगुन खुवाएर ख..
टीकाप्रसाद भट्ट रामेछाप। खडेरीका कारण खानेपानीकाे श्नाेतमा पानी सुकेर बर्षाै देखि खानेपानीकाे सास्ती खेप्द..
2 दिन पहिले
लुतो निको पार्न धामी झाँक्रीको ढ्याङ्ग्रो
टीकाप्रसाद भट्टमन्थली । अरु रोगको त कुरो छाडौं शरिरभरी लुतो आउदा पनि डडुवाको थामीगाउँमा रातभर ढ्याङग्रो बज्छ । &ls..
2 दिन पहिले
उत्कृष्ट शिक्षक शिक्षिका सम्मानित
रामेछाप । रामेछाप जिल्लामा रहेका सामुदायिक विद्यालय मध्ये उत्कृष्ट पठनपाठन गर्दै आएको मन्थली माविले विद्यालयक..
3 दिन पहिले