रामेछाप । रामेछाप नगरपालिका वडा नम्बर ७ को विर्तामा घुम्ती शिविर मार्फत स्थानीय नागरिकहरुले निशूल्क आयूर्वेद उपचार तथा परामर्श सेवा प्राप्त गरेका छन् ।
रामेछाप ७ सुकाजोरका वडा अध्यक्ष समिर कार्कीका अनुसार नागरिक आरोग्य केन्द्र सुकाजोरका स्वास्थ्यकर्मीहरुले करिव २ सय विरामीहरुलाई आयुर्वेद उपचार तथा परामर्श गरेका थिए । शिविरमा विभिन्न प्रकारका औषधि समेत वितरण गरिएको थियो ।
कार्कीका अनुसार वडा कार्यालयको निर्णय बमोजिम शनिबार विर्तामा आयोजित उक्त घुम्ति शिविरमा वडा कार्यालयले प्रवाह गर्ने अन्य सेवाहरु समेत उपलव्ध गराइएको थियो ।
