रामेछाप । ठेक्का तोडेपछि सुनकोशी मरिण बहुउद्धेश्यीय डाईभर्सन आयोजनाले बाँध स्थलबाट निर्माण व्यवसायीले आफ्ना सामाग्री र उपकरण उठाएको छ ।

आयोजनाको विद्युत गृह लगाएतका संरचना निर्माणका लागि आयोजनाले निर्माण व्यवसायी पटेल–रमण निर्माण सेवा संग संझौता भएको ठेक्का तोडेपछि सुनकोशी मरिण जलविद्युत आयोजनाको बाँध निर्माणस्थलबाट सो कम्पनीले निर्माण सामाग्री र साईटमा रहेका उपकरणहरु उठाएको हो । हाल निर्माण स्थल चकमन्न बनेको छ । झण्डै दुई अघी देखि उक्त स्थानमा निर्माण कार्य थालिएकोले सेलेघाटको सिल्लीबजारमा चहलपहल थियो ।

ठेक्का तोडेको जानकारी पाएपछि पटेल रमण जेभिले सेलेघाटको सिल्लीबजारको साईट बाट निर्माण सामाग्रीहरु धमाधम उठाइरहेको छ । ढुवानीका साधन, उपकरण र निर्माण सामाग्रीहरु अधिकांश उठाइसकेको उक्त जेभिले बाँकी सामाग्रीहरु पनि उठाउने तयारी गरेको छ । आयोजनाले निर्माण स्थलबाट निर्माण सामाग्री उठाउन दिएको समय सिमा भित्रै सो जेभिले सामाग्रीहरुको अन्यत्र व्यवस्थापन गरेको हो । साईट कार्यालय र आवास गृह भने आयोजनाको रहेकोले भत्काइएको छैन् ।

सुनकोशी मरिण बहुउद्धेश्यीय डाईभर्सन आयोजनाको बाँध, विद्युत गृह लगाएतका संरचनाका लागि ठेक्का भएको उक्त जेभिले ठेक्का अवधिको ६१ प्रतिशत समय सकिदा निर्माण कार्य भने झण्डै ११ प्रतिशत मात्र गरेको कारण आयोजनाले उक्त जेभि संगको संझौता तोडेको हो । कार्यसम्पादन सन्तोषजनक नभएको भन्दै त्यसअघी पटक पटक निर्माण कार्यलाई तिव्रता दिन दिइएको सुझाव जेभिले अटेर गरे पछि ठेक्का तोड्नु परेको आयोजनाको दावि रहदै आएको छ ।